有辰光特别起劲，一早爬起来，烘面包、炒鸡蛋、煎培根……

　　面包浪挞一层酸叽叽个奶酪，烧一杯奶茶或者咖啡，搿两天还有新鲜枇杷、樱桃上市，配勒旁边，腔调摆足输赢，恨勿得拿日脚过得像辣辣云浪向飘。

　　有辰光也会特别呒没劲道，从床浪向爬起来，揩好面，刷好牙齿，然后就坐辣一边发呆，看太阳光从脚馒头移到脚趾头。

　　觉着肚皮饿，就跑出去寻末事吃。搿天就寻着一爿新开点心店，名字有眼一本正经，像煞是国学学堂。进去，坐下来，听到服务员正好跟一个爷叔辣辣讲闲话：“生煎呒没了，调锅贴好口伐？”

　　“价钿一样口伐？”

　　“一样个。”

　　“搿末，就调好口来。”

　　阿拉点勒小馄饨、小笼。小馄饨味道一般性，呒没高汤，不过，量比较多，模子也大，吃得饱；小笼蛮赞，一只只看上去挺挺刮刮，筷子搛上去皮子勿会破；馅子勿摆酱油，汁水老鲜洁，呒没肉夹气。

　　吃饱肚皮，面孔好看交关。

　　最后算一算账，一共用脱21块。应该是一顿比上勿足比下有余个早饭。

　　跟交关人一样，阿拉也欢喜“比上勿足比下有余”迭句闲话。

　　现在勿少人家搬场或装修新房辰光，总要厾脱眼好用个旧物事，小到碗盆锅子，大到沙发衣橱，样样侪有。可惜现今搿些物事连收废品个也勿要。要是摆辣辣几十年前，迭些物事个出路要么是旧货市场，要么干脆拉到门外标价出卖。

　　荡旧货市场，俗称“淘旧货”。早年头上海有不少旧货市场，南市区个老西门、普陀区个曹家渡等等，凡是闹猛个市面浪侪有旧货商店。其中淮海路重庆路口个国营旧货商场最有名，人称“淮国旧”；还有陕西路复兴路口，陕南邨对面有一个旧货商店，也是比较出名个。后来“旧货商店”又更名为“调剂商店”。由于当时社会刚刚经历几次剧变，辣辣那些特殊个历史时期中，许多人命运变幻，许多家庭发生变故，所以各种需要处置个旧物特别多，可以说只要是国家允许交易个物品，旧货店里样样有。

　　当时旧物事交易方式主要有两种，一种是商家对货物估价，一手交钱，一手交货，发票盖上“银货两讫”印章，迭种方式叫“买断”；另外一种由卖家确定出售价钿，货物放辣辣商店里，委托商店代售，东西卖出后，商店通知卖家收取货款并缴付佣金，迭种方式叫“寄卖”。

　　搿眼老旧物品侪带有历史个沧桑感。对我来讲，逛旧货市场就好像进入一条深邃个时光隧道。从伊拉身边走过，仿佛能听到每件物品诉说自己前世今生个故事。我现在用个红木书桌就是外公淘来个旧货，是一家三弟兄吵着分家卖掉个。

　　当然，围绕这些旧货个也不全是悲情故事，我记忆中就有好几个“旧物牵线，亲人重逢”个喜剧，其中就有一枚银质方戒引出个故事。

　　那时已经改革开放，有一个陶女士从海外归来，寻找失散多年个姐姐，一直杳无音信。有趟伊去调剂商店，偶尔看到一枚寄售个银质方戒，上面刻个图案跟伊戴了手上个银方戒风格一致，顿时就激动起来。因为搿是伊姆妈生前为姐妹俩定制个一对生肖戒指，阿姐比伊大九岁，属龙。十四岁个辰光逃难路浪送人做童养媳，就此失联。伊姆妈临终还念着大女儿个小名。现在迭枚方戒就辣辣眼前，岂不是说有望找到姐姐了？

　　陶女士马上请调剂商店联系卖货人。电话打过去，一个男人接电话，讲本来勿想卖迭只戒指，只是老娘生病住院，急需要钱。陶女士急忙赶到医院，经一番仔细辨认，终于见到日思夜想个老阿姐。陶女士对姐姐讲：“我至今独身，侬是我唯一个亲人，迭对方戒寄托着长辈个祝福，还是留拨子孙们吧！”随后，伊叮嘱外甥及外甥媳妇去要回了寄卖个方戒，并承担了姐姐个全部医疗费。

　　弹眼落睛：一般形容东西好。也可以形容瞪圆眼睛的样子，表示凶狠或吃惊。还可以形容因色彩鲜艳或外形奇特而引人注目。

　　上海人为啥用“差头”来称呼出租车呢？市面浪向有两种讲法。

　　第一种讲法是辣辣1908年个辰光，美商环球公司辣辣租界开办了上海第一家汽车出租部，专门为外国人服务。当时出租车个计价是按小时来算个，大概是用一个钟头车子要花费一块到五块大洋不等。正因为是按租用辰光长短计价，所以外国人就用“包车”来称呼出租车，包车个英文是“chartered car”，读音跟“差头”差勿多。到了1913年，上海陆续开出九家出租车公司，其中有六家是中国人开个，服务对象也不再局限于外国人，只要袋袋里有铜钿，侪可以租到车子。当时，上海有铜钿个中国人侪经常辣辣洋人开个场所里进进出出，讲洋泾浜英文就成了伊拉个常态，所以，伊拉需要用出租车个辰光就学外国人个腔调叫一声“charter”，辰光一长，“差头”搿种典型个洋泾浜英文叫法就辣辣上海人嘴巴里流行起来了。

　　第二种讲法是老早仔上海个出租车侪是停辣辣车行里个，客人需要用车，或者通过电话叫车，或者直接到车行里去叫车。车行老板或调度员接到客人用车要求，就会派车。派车个辰光老板或调度员就朝司机师傅喊：“请侬出一趟差”，而司机师傅接了一单生意，也叫“出了一趟差”，搿里个“差”是当量词用个。所以讲迭个“差”字还是伊拉出租车行业里向先叫起来个。而“头”辣辣上海闲话里有“带领”个意思，我乘出租车当然是侬司机师傅开车带我，侬就是迭一趟“差”个“头”，“差头”非侬莫属。

　　其实，上海人称呼出租车“差头”还是辣辣改革开放以后，生活水平提高了，乘出租车个需求多了，成了家常便饭以后才时兴起来个。以前，呒没经济条件乘出租车个辰光还是用“出租汽车”来称呼个。要是再向前推进到1949年前后，上海人侪欢喜用“祥生汽车”来称呼出租车。因为祥生汽车是中国人开办个第一家出租汽车行，而且广告做得特别好，所以，祥生汽车就成了出租车个代名词。记得阿拉小辰光看到弄堂里有人结婚，就会跑前跑后唱：2400（叫车电话）打起来，祥生汽车开过来……

　　竹箱藤箱，在南方多做生活品，眼下还有多少人在用？这个小竹箱分两层。打开盖子一层，竹编的屉子拿开，是另一层。上层放纸，下层放笔墨砚台，想到古时赶考的穷秀才，胳膊肘挎个考篮——早先用来放点心。

　　立春早已过了。一旦立春，便是又一年。我小哥属猴。国人对猴似乎有种别样的喜欢。与传统书画分不开？比如一幅画，有鹰有熊，寓意“英熊”，而画猴却与“王侯将相”本意，注定不可分开。唐宋年间的玉雕，一只猴子蹲于大象背上，意指“封猴拜相”之美。到明清时期，猴子骑在马身上蹦来跳去，“马上封猴”寓意，形象生动起来。

　　猴子总使人感觉急吼吼，橄榄屁股坐不牢，许是天性使然？人生苦短，想到什么赶紧，不做犹豫思想派。我哥说，废话不多，说闹就闹，少啰嗦！此为人生真正该有之气魄。

　　说到猴，小时兴冲冲奔去动物园，口袋里提前塞满各种小食。自己不舍得吃，喂猴子倒大方。猴子额头突出，两只眼睛间距很近——“这家伙是不是对眼儿？”

　　我父亲偶尔画一次猴子。很顺手，画猴子如何蹲坐，怎么抓耳搔腮，不假思索落笔，立刻跃然纸上。栩栩如生。

　　说到猴，总想到猿，小学时练习毛笔字，临摹唐诗——“两岸猿声啼不住，轻舟已过万重山。”脑海中刷的一下，跳出一只猴子。有谁见过猿？ 

　　张大千曾画过多幅以猿为主题的画作。先生认为自己是黑猿转世，再者因其心中有猿。张大千养过一只猿。是什么品种？猿的双臂要比猴子长许多，二者区别在于，猿总喜欢用长手臂把自己吊在树上荡。荡来荡去。宋人就这么画猿，且多是白面黑猿。后来画家们画猿，也都喜欢让它们吊起来荡，但画猴却是另一路，使其蹲或坐，抓耳朵，挠下巴，偶尔探探脑袋。父亲最爱白石老人，大师画猴与他人不同，一只白猴，手脚却通通乌黑，举了一只很大很大的桃子。父亲临摹结束，题字——“白猿献寿”。

　　鲁迅先生写过太多漂亮文章，我一直记忆深刻的，是曾写到过的一只墨猴，很小很小的猴子——它平时就住在主人书案的笔筒里。在那写字或作画，即将结束，若砚台里还剩下一点点残墨，这小猴便从笔筒里跳将出来，把残墨一点一点，舔食得干干净净。猴子居然吃墨？食用完毕，倏地一跃，重新跳进笔筒去也。

　　我偶尔写字累了，把《鲁迅全集》翻了个遍，总幻想会跳出这么一只墨猴，一丁点儿大的小黑猴子，可以住在我的笔筒里面……