干打垒

贝新祯

属于我的第一间房子，当地人叫“干打垒”。

上世纪70年代初，华师大毕业，分配到新疆阿勒泰教书。几年后，我要结婚了，申请分房，哈萨克族的校长说，山坡上有一排新盖的干打垒，很好的，做新房正合适。

干打垒的名字源于房子的建造方式。西北边疆土质好，气候干燥，就地取土盖房子。四根碗口粗的直木做架子，六块两三米长的木板做挡板，按墙的长度要求架起来，用牛皮绳子绑定，然后在板子间填土，大师傅站在土上，用石头锤把土夯实。卸了下面的挡板换到上面，土墙就夯得越来越高。土是“干”的，“打”是夯实，“垒”是层层叠加；干打垒，是不是实至名归？

这房子是真正的冬暖夏凉。阿勒泰是中国最西北的城市，冬季长达半年，寒流来时，气温低至零下二三十摄氏度。到了夏天，日照强烈，“朝穿皮袍午穿纱”，午休两小时，三四十摄氏度是常事。干打垒的土墙厚度有六七十厘米，有效地抵挡了炙热与寒冷。冬夜，门外是一片白茫茫，除了呼啸的厉风，万籁俱寂；而房内，炉火融融，单穿一件毛衣足矣，三五好友，一盘抓肉，一瓶伊力特，都是从江南各大学分配来的读书人，优雅地喝酒，斯文地吃肉。在这样的夜晚，坐在阿勒泰干打垒的小屋里，听着北风呼啸而慢慢小酌，其中的满足感、幸福感，不是坐在淮海路街边喝啤酒可以比拟的。我至今还深深怀念着那间小小的平房。两种差异的交织：旷野的寒流和家的温馨，“不知秋思落谁家”的哀怨和“新丰美酒斗十千”的豪兴，由于前者的衬托，便更能感受后者的美好。小屋的书桌前，似乎更有创造的灵感。我的一篇关于自然语言逻辑的论文就写于干打垒的夜晚，并让我有幸获得了中国社科院举办的“第一届金岳霖逻辑学术奖”。12名“状元”来自大学大地方，唯独鄙人来自小小的阿勒泰，来自小小的干打垒。

干打垒也是我的家“发展壮大”的根据地。我的两个儿子都是在干打垒里“造”出来的。干打垒赋予了他们朴实无华、吃苦耐劳、脚踏实地的秉性。

干打垒毕竟是一种比较原始的建筑方式，难免粗糙、简陋。末了，说一件因干打垒而化险为夷的事。

一天晚上，我们夫妻二人到一个同事家聊天，聊着聊着，老婆就忘记了炉子上炖着的肉。突然，隔壁邻居宁老师找来了，慌张地说，你家是不是有东西烧煳了，有烟窜到我家里来了。原来，干打垒的墙脚有了空隙，不知是老鼠所为，还是因为没有地基造成的裂缝，才有了不为人知的细小“通道”。也正是由于干打垒的缺陷，避免了一场可能发生的灾祸，如果在钢筋水泥的楼房里，锅子烧穿了，邻居大概也不可能有所觉察的。

不过，那都是五十年前的事了。现在的阿勒泰高楼林立，当地的年轻人都不知道“干打垒”为何物了。

谢谢任溶溶先生

文/赵妃蓉

看到《没头脑和不高兴》个爸爸任溶溶过世个消息，心里邪气难过。伊是儿童文学大师，勿仅创作了交关多儿童文学作品，还翻译了交关外国儿童文学作品。

记得我小辰光，电台里经常播广播剧《没头脑和不高兴》，故事里“没头脑”和“不高兴”是两个孩子，一个做事总是丢三落四、忘东忘西，一个永远是让他往东偏往西，还总是把“不高兴”当口头禅。

“没头脑”长大后成了一个建筑设计师，设计了一幢300层个高楼，但是居然忘记设计电梯。大楼建成后，位于顶楼个剧场举行《武松打虎》个演出，小朋友们只好提前几天出门，背着铺盖和帐篷爬楼，一路爬一路抱怨，哪能还没到啊，但呒没人中途放弃，侪拼命往上爬，因为《武松打虎》个演出大家等了交关辰光了。经过几天跋涉，小朋友们终于来到剧场，演出也按时开幕。

“不高兴”长大后成了演员，在《武松打虎》中扮演老虎，大家侪等着看武松打死老虎，但是伊就是勿愿意被“打死”，一边喊着“不高兴”，一边上蹿下跳，武松怎么也“打不死”老虎，最后老虎还窜下舞台……就是迭样看上去夸张个情节，讲个其实是简单而深刻个道理。我就是从搿个作品里晓得了“认真”个重要性，否则侬周围个人侪要跟辣吃苦头，还懂得了凡事要开开心心去面对，动勿动就“不高兴”勿是一桩好事体。

后来《没头脑和不高兴》又有了动画片，但是辣我心里一直觉得广播剧更加有魅力，我也勿晓得为啥小辰光会勿厌其烦一遍遍听搿只故事，一边听还一边哈哈笑，现在想想也是蛮好白相个。

任溶溶翻译个交关外国童话也辣阿拉小辰光留下了深刻印象，每个小朋友看过《木偶奇遇记》侪勿敢再说谎，否则连困觉也会摸摸自家鼻头，生怕变长了；而看了《小飞侠彼得·潘》，大家侪会辣心底希望某一个夜晚，小飞侠也会飞到自家窗口，带自家去“梦幻岛”享受自由自在个生活；《夏洛的网》又让阿拉为小猪威尔伯和蜘蛛夏洛之间真挚个友谊眼泪水溚溚渧……迭样个阅读效果和任溶溶清晰流畅个文字是分勿开嗰。

从年龄浪向看，任溶溶老早就是爷爷辈个人物了，但是特别了勿起个是伊个文字一点呒没苍老个感觉，伊个心灵、文字一直保持着透明无邪个天真之气。近几年，伊还一直辣新民晚报“夜光杯”浪写文章，回忆伊小辰光，我看了还是会笑出声来，因为我也有过相同体会，被任溶溶写出来了。伊辣书里写过“人都是从小长大起来的，每一个人都有自己的小时候”。伊讲自己最欢喜看滑稽，“成为儿童文学作家后写东西就饶有风趣，尽量滑稽点。”所以每趟看完伊个文章，侪会觉得蛮噱嗰。

任溶溶曾经讲过伊个一生就是个童话，而阿拉小辰光能始终辣伊创造和翻译个童话陪伴下长大，再拿伊个作品和自家个小囡分享，阿拉是有多幸运啊，谢谢任溶溶先生！

儿时刻花乐无穷

文/袁念琪

刻花就是刻纸。伊勿是辣纸头浪刻朵花，而是刻人、动物、房子等各种花样。

我第一次学刻花是20世纪60年代后期、读小学三年级个辰光。埃歇辰光，阿拉搿点小朋友侪欢喜白相刻花。拿复好花样个纸头，下头垫好垫板；最好是铅皮垫板，因为塑料垫板浪会留下来刀个划痕。其实，最理想是辣玻璃板浪刻花，玻璃硬度高，一般勿会留刀痕。

粗看起来，用刻刀刻出来个刻花搭仔用剪刀剪出来个剪纸差勿多；其实刻花可以做得更加精细，而剪纸更适合制作对称花样。要想做出好个刻花，刀片邪气关键，刀片越锋利越好。记得我刚开始做刻花，用个是削铅笔个“铅笔刀”，由长约3厘米、宽约1.5厘米个薄铁片制作。后来用外公刮胡子个刀片，搿种刀片比铅笔刀更薄更锋利，可以刻出精细个花纹。搿两种刀片有个共同缺点，就是刀片小，捏起来勿方便。最好用个刀片是手术刀，同学“长脚”有亲眷辣医疗器械厂，能搞到报废个手术刀，刀柄拿起来手感好，刀片锋利，用伊刻花事半功倍。

刚开始练刻花，图案花样比较简单，线条较粗，勿易刻断。等到熟练了，图案越来越复杂，线条越来越精细。大家比啥人线条刻得细，越细越有本事。

有了刻刀，还要有纸头。纸头勿能太厚也勿能太软，否则刻起来邪气吃力。碰到自家欢喜个花样，可以到文具店买蜡光纸来刻。蜡光纸是一种单面彩色薄纸，有色彩一面光滑亮泽。

刀和纸有了，就要选花样了。花样从两个地方来，一是文具店买个剪纸，有同学买来，大家拷贝。另外也可以选连环画里个图画，主要是各种人物；选中以后用复写纸描图样。描个辰光还要添加连线，确保整个图样是连辣一道个。

一般自家欢喜个连环画是勿会借给别人描图样个，因为会留下明显个铅笔印子，而且必须用单面复写纸，假使碰着拆烂污个人用双面复写纸，那页连环画的背面就一塌糊涂了。因此，欢喜刻人物刻花个人往往会专门买一本有指定人物个连环画。我买过个最后一本连环画是《平原枪声》第一集《舌战红枪会》。

记得刻过电影连环画《地道战》里两张刻花。一是民兵队长高传宝，辣了窗口举枪瞄准，一枪打中了山田大队长个屁股。另外一张是伪军汤司令一手推帽檐一边喊：“给我放毒，灌水，把他们都闷死在里面。”这张刻花是从隔壁4号阿三头搿搭复制回来个，因为我个《地道战》里缺搿张图，勿晓得被啥人偷偷交撕走了。呒没当场发现，只好自家吃进了。

复制花样，最好用扁圆个木工铅笔；铅芯粗，画得清爽。先拿要复个花样放辣纸头下面，再拿铅笔“唰唰”涂满整张纸头，黑个线条要保留，白个要刻脱。

我拿自家做个刻花侪夹了一本书里。满意个，勿但蜡光纸刻花，还用白纸衬辣下头。可以讲，埃歇辰光呒没刻过花个小朋友是勿完整个，至少是少脱一份乐趣。

我出过一本书叫《上海姻缘》，封面搭仔插图才是上海市级非物质文化遗产“花样经剪纸”传承人郑树林个剪纸，伊用剪刀勿是刻刀。勿晓得伊小辰光白相过刻刀刻花口伐？